Documento politico in lingua sarda

SEMUS IN ÒNNIA LOGU

Est su 2019, un’annu ricu de anniversàrios pro su movimentu LGBTQI+.

Difatis fiat su 28 de su mese de làmpadas de su 1969, cando Sylvia Rivera, Marsha P. Johnson e Stormé DeLarverie, paris cun àtera gente chi abitaiat in su Stonewall Inn, si fiant atrividas a si furriare contras a s’ùrtima de is bardanas chi sufriant pro manu de sa politzia de New York.

E galu , fiat su 2 de su mese de trìulas de su 1994 cando Andrea Berardicurti, n didu cun su n mine de La Karl Du Pigné, chi a s’ora fiat su segretàriu polìticu de su Tzìrculu de Cultura Omosessuale Mario Mieli, paris cun àteras persones e ativistas meda, aiant aparitzadu me in Roma su primu Gay Pride italianu.

E fiat, in fines, su 2009, cando su 16 de su mese de maju in Casteddu e su 30 de su matessi mese me in Tàtari, sa Sardigna fiat falada in pratza pro sas primas manifestatziones in logu de sa diada mundiale contras a s’omofobia (su 17 de su mese de maju, die in sa chi in su 1990, s’Assemblea generale de s’Organizatzione Mundiale de sa Sanidade nde aiat cantzelladu s’omosessualidade dae sa lista de is maladias mentales).

Oe in die, su Sardigna Pride non creet de bìvere unu mundu peus cunforma a cummente fiat chimbanta, bintighimbe o deghe annos a como, ma ritenet chi sa batalla pro su deretu a s’autodeterminatzione de is persones, in su corpus e in is sèberos de vida, non siat galu etotu acabbada. Sa dibata polìtica fitiana sighit mustrende is diferèntzias de sessu, de etnia e de religione che un’iscarmentu de fuire, ammaniende-si, a unu ladu, su grisu pro totu su chi no est cunforme a s’idea de “normalidade” e, a su matessi tempus, a un’àteru ladu ordingende un’idea de sotziedade fundada a pitzus de modellos sotziales istantissados.

Sa polìtica de s’ispantamata, chi immoe a ùrtimu costumat finas tropu, nos praghet a dda peleare aparende sa realidade de is fatos. S’alabàntzia de sa defensa legìtima, mancari is datos de su Viminale mustrent chi is reatos sunt menguende-si a sighidura
(francu cussos de ratzismu e de omofobia ca sunt creschende), e is anneos pro s’immigratzione, ca mancari pertocat a is chi si nche fuent dae is gherras, dae sa poberesa e dae sa persecutzione de is persones LGBTQI+ (persecutziones chi ameletzant finas cun sa pena de morte) sunt duos esèmpios isceti de una narratzione chi non nos agradat, chi ponet is persones a si gherrare de pare in pare cando imbetzes abbis ngiat de nde pesare paris sa solidariedade, su respetu e sa cooperatzione.

Unu Paisu aunidu nde podet essire a paisu prus ricu, ma unu Paisu partzidu est prus fàtzile a guvernare. Pro custu est chi su Sardigna Pride cheret p nnere s in tzentru de sa dibata su progressu tzivile, chi cheret cumpridu cun sa batalla pro is deretos, ca unu deretu in prus pro una persone est una conchista pro totu sa sotziedade.

IN TOTUE SEMUS

> Semus is insegnantes, is operadores de su sotziale, su personale sanitàriu… Semus s’esèrtzitu de sa cultura, de s’impar ngiu e de s’incuru de is persones, chi tenent sa responsabilidade de leare parte a sa cussèntzia de oe e de cras: pedimus a boghe manna una formatzione cumposta e istatale bona a parare fronte a sa discriminatzione de is persones in resone de
s’orientamentu de gènere o a càusa de s’identidade sessuale cosa issoro, de istèrrere una resonada intre is diferèntzias, de ismenguare s’arriscu de is maladias a ispainada sessuale de is chi non si nde faeddat giai prus. Una lege pro parare fronte, antis che totu, e posca pro cundennare cun firmesa a s’omo-bi-transfobia est sa tenta de ghetare pro leare a campu e fàghere crèschere is deretos de is persones LGBTQI+.

> Semus is pitzinnas e is pitzinnos minores rfanos de Istadu, sende chi non nos cherent reconn schere a cando che a babbu e a cando che a mama. Semus su populu mudu de is minoreddas e de is minoreddos e totu su chi pedimus est una famìlia, chi nos siat dèpida pro deretu e non pro cuntzessione o pro sentèntzia. Cussu chi ghetamus est un’ rchidu allupadu, proite dae minores dipendemus dae is tribunales, chi detzident cando nois podimus èssere parentes, a pàrrere de sa giustìtzia, de babbos e mamas nostras.

> Semus puru cuddas fèminas chi cherent una
dibata sèria a pitzus de s’agiudu mèigu a sa procreatzione a sa pringesa pro contu de àteros. S’idea de fund riu de s’autodeterminatzione de sa fèmina cheret amparada, proite a
s’imbesse, cando mancant règulas craras ddoe at s’arriscu de furriare s’agiudu mèigu a sa procreatzione e sa gestatzione pro contu de àteros in fainas de isfrutamentu.

> Semus is copias e is bajanos e bajanas, e cherimus leges aguales pro chiesisiat. Semus nnia fèminas e mines chi creet in s’artìculu 2 de sa Costitutzione e in s’autodeterminatzione lìbera de is rolos sotziales e de is relatziones intre is persones. A contu nostru, mancari unu si chèrgiat cojuare a o nono, sa coja de paridade rapresentat unu sìmbulu de agualidade, una aina pro peleare contras s’idea torrada de unu mascru biancu, omosessuale, cisgender e otzidentale e a ghiare sa sotziedade e sa polìtica nostra. No est a dispintare ca non ddoe semus. Verona non nos tremet, non si podet pigare a sa sèria unu “Cungressu a pitzus de is Famìlias”, istimadu meda dae su Guvernu nostru, cussu chi non reconnoschet famìlias diferentes dae cuddas formadas dae un’ mine e dae una fèmina, cuddu chi reconnoschet s’abortu che unu crìmene e non che unu deretu seguradu dae sa Lege de Istadu, cuddu chi non reconnoschet s’omosessualidade e sa transessualidade che “variante naturale de su (cumportamentu) portamentu umanu”.

> Semus is migrantes SOGI (Sexual Orientation Gender Identuty) tambene, chi creent a is cunventziones internatzionales e a sa Cassatzione Italiana, chi narat chi no est a retzire sa lìnia de su rimpàtriu cando non ddoe at s’arriscu lestru e deretu pro sa persone, proite nos fortzat a dispintare s’orientamentu e s’identidade e custu iscontr riat cun su motu “In totue, semus!”

> Semus is persones transgender, transessuales, MtF, FtM, ma finas su de tres gèneres, personas non binàrias, gender fluid, gènere nèutru, intersessuales… Semus totus cudda gente chi s’est arr schida de sufrire discriminatziones sende chi est una minoria de sa populatzione, de èssere tentos che a guastos proite ca semus diferentes dae sa norma, de èssere custrintos a batalliare pro is curas pro su benèssere chi diant dèpere èssere asseguradas a nnia tzitadinu e tzitadina de s’Istadu.

Sa primu pelea nostra est sa de otènnere su logu chi nos meressimus che a persones: batalliamus contras a is istitutziones, sanitàrias tambene, chi imperant a s’ispissu limbàgios de marrania, batalliamus me in su mundu de su traballu pro propassare pregiudìtzios betzos e batalliamus mescamente pro àere su deretu prenu a seberare lìberos cummente, si e cando manigiare s’identidade nostra e s’orientamentu de gènere.

Sardigna Pride 2019
SEMUS IN ÒNNIA LOGU IN TOTUE, SEMUS
Casteddu, sàbadu 6 de su mese de trìulas (17) oras 17, pratza
Michelangelo